憧憬聯儲局重啟減息 市民偷步入市 帶動睇樓量回升 中原十大屋苑本周末錄457組預約睇樓量 按周升3.4% 企穩400組水平

中原地產十大屋苑本周末錄得457組預約睇樓量，按周回升3.4%，終止連續兩周跌勢，更連續7周穩守400組水平。一手新盤魚貫推出，帶動二手市場氣氛活躍，而且市場預期美國聯儲局將重啟減息，有市民擔心息口下降後樓價會反彈，紛紛偷步入市，推動周末睇樓量回升。

港島區方面，港島東區有新盤低開，搶去二手市場目光，加上施政報告公布在即，太古城本月暫錄2宗成交，較上月稍為放緩。周末屋苑睇樓人流維持平穩，錄28組預約，每呎實用叫價18350元。

施政報告及聯儲局議息會議迫近，市場觀望氣氛濃厚，加上一手新盤接連推出，搶去市場目光，拖慢二手成交，海怡半島半月暫未錄成交，較上月同期放緩。睇樓氣氛則未受影響，海怡半島本周末預約睇樓量維持25組，每呎實用叫價亦徘徊15477元。

九龍區方面，美孚新邨本月首5天暫錄得2宗成交，平均實用呎價報9877元。市場充斥利好因素，買家入市意欲增加，惟本周末天氣再次轉差，周日更有機會懸掛風球，令區內睇樓氣氛平平。美孚新邨本周末預約睇樓量維持75組，每呎實用叫價亦徘徊10900元水平。

黃埔花園本月至今暫錄2宗成交，平均實用呎價徘徊於10000元。踏入9月，九龍隨即有多個新盤排隊登場，十分熱鬧，難免分薄二手客源，但亦有部份買家趁減息前出動，積極物色及鎖定心水戶，令睇樓氣氛得以平穩。黃埔花園本周末預約睇樓量維持40組水平，每呎實用叫價亦徘徊14200元。

新界區方面，沙田第一城本月暫錄約6宗二手成交，較上月同期明顯增加，實用平均呎價約12870元水平，大市氣氛向好，預計本月聯儲局啟動減息步伐，促使部份買家加快入市決定。屋苑本週末睇樓量增加11.1%至50組，有望有動交投。

嘉湖山莊9月暫錄得3宗買賣成交，平均實用呎價8584元。市場普遍相信聯儲局會於月中減息，新一份施政報告亦有機會推出利好樓市措施，市場樂觀情緒升溫，刺激用家及投資者加快入市，趁低吸納。隨著市況向好，各區新盤亦空群出動，一二手市場皆旺。嘉湖山莊本周末錄得90組睇樓預約，按周升12.5%，每呎平均實用叫價提升至9400元，按周上升1.1%。